لفور سلاملفور دوست داشتنی و زیبا

شعر محلی (باجی جان )

صواحي که بونه، آسوک و لرزون___________باجي‌خاله سره جم انه بيرون

چشّه دس کشنه تار و سياهه___________ديروز افتاب بییه امروز مياهه

ونه سر غمزه و دسمال به گردن___________جليقه‌ي پيله وه دارنه درزن

کلش کنده، ونه سينه خرابه___________نتونده بخسه، وه ره عذابه

سيو شوي ميون تک‌تک کلش___________اتّا مرغنه هسّه ونه خرش

احمدي دسته‌گاري داشته پارسال___________وه پيش‌پيش شي‌يه وُ باجي به دنبال

کُنه رويي، کُنه لوه، کُنه مس___________همه گاريِ تن شريک ‌جه دَوس

نوشابه شيشه و سانديسِ کارتن___________خرينه ديکونا جه مفت و ارزون

وشون گاري که پر بيّه نم‌نم___________شینه جوکّي‌مله پيش محرّم

احمدي چونه زنده باجي نيشته___________کلش کنده که بَییته اَتي ويشته

هوا تاريکِ شوئه، بي‌صدائه ___________باجي دسته‌گاري ره توک هدائه

ونه چش اسلییه، برمه نکنده___________باجي دنيا ره بدجور خنده زنده